தங்கம் சவரனுக்கு ரூ.248 குறைந்தது - ஒரு கிராம் ரூ.4,061 ஆக விற்பனை
தங்கம் விலை இன்று சவரனுக்கு 248 ரூபாய் குறைந்து, ஒரு சவரன் 32 ஆயிரத்து 488 ரூபாய்க்கு விற்பனையானது.
தங்கம் விலை தொடர்ந்து உயர்ந்து வந்த நிலையில், இரண்டு நாட்களாக சரிவை கண்டு வருகிறது. நேற்று முன் தினம் 33 ஆயிரத்து 328 ரூபாயாக இருந்த ஒரு சவரன், நேற்று 32 ஆயிரத்து 736 ரூபாயாக குறைந்தது. இந்த நிலையில், இன்று சவரனுக்கு 248 ரூபாய் குறைந்து 32 ஆயிரத்து 488 ரூபாயாக விற்பனையானது. கடந்த இரண்டு நாட்களில் மட்டும் 840 ரூபாய் விலை குறைந்துள்ளது. சர்வதேச அளவில் தங்கத்தில் முதலீடு அதிகரித்து வந்தாலும், கமாடிட்டி சந்தையில் தங்கத்தை விற்கும் மூன்று மாத ஒப்பந்தம் இந்த வாரத்துடன் முடிவடைவதால் விலை குறைந்து வருகிறது. அடுத்த இரண்டு நாட்களுக்கு தங்கம் விலை குறையும் வாய்ப்புள்ளதாக வர்த்தகர்கள் தெரிவித்தனர்.
Next Story
