உணவு உண்ணாமல் மாணவர்கள் தர்ணா - அடிப்படை வசதிகள் செய்துதர வலியுறுத்தல்

ராசிபுரம் அருகே அடிப்படை வசதிகோரி, தர்ணாவில் ஈடுபட்ட மாணவர்களால் பரபரப்பு ஏற்பட்டது. ஆண்டகளூர்கேட்  திருவள்ளூவர் அரசு கலைக்கல்லூரியை சேர்ந்த மாணவர்கள், அருகில் உள்ள ஆதிதிராவிடர் நல விடுதியில் தங்கி படித்து வரும் நிலையில், குடிநீர், கழிப்பறை உள்ளிட்ட அடிப்படை வசதிகள் இல்லாமல் அவதிப்பட்டு வந்துள்ளனர். இது குறித்து, வார்டனிடம் பலமுறை  புகார் அளித்தும் கண்டுகொள்ளவில்லை என கோரி, மாணவர்கள் உணவு உண்ணாமல், தர்ணாவில் ஈடுபட்டனர். பின்னர், அங்கு வந்த ஆதிதிராவிடர் நலத்துறை வட்டாச்சியர், உரிய நடவடிக்கை எடுப்பதாக உறுதி அளித்ததையடுத்து போராட்டம் கைவிடப்பட்டது.