ரூ.18 லட்சம் கடத்தல் தங்கம் பறிமுதல் - சுங்க இலாகா அதிகாரிகள் அதிரடி நடவடிக்கை

சென்னை மீனம்பாக்கம் விமான நிலையத்திற்கு, கடத்தல் பொருட்கள் கொண்டு வரப்படுவதாக கிடைத்த ரகசிய தகவலையடுத்து, சுங்க இலாகா அதிகாரிகள் தீவிர கண்காணிப்பில் ஈடுபட்டனர். இந்நிலையில், சார்ஜாவில் இருந்து வந்த விமானத்தில் பயணம் செய்த கேரளாவை சேர்ந்த ரமேஷ் என்பவரை நிறுத்தி ​விசாரித்தனர். முன்னுக்கு பின் முரணாக பேசியதால், தனியறைக்கு அழைத்து சென்று சோதனை நடத்தினர். அப்போது, உள்ளாடைக்குள் மறைத்து வைத்திருந்த, ரூபாய் 18 லட்சம் மதிப்பிலான, 512 கிராம் தங்கத்தை, பறிமுதல் செய்த அதிகாரிகள் தீவிரமாக விசாரித்து வருகின்றனர்.