ராசிபுரம்: மூதாட்டி மீது ஆசிட் ஊற்றி கொலை

ராசிபுரம் அருகேயுள்ள தோப்புகாடு பகுதியை சேர்ந்தவர் தனம். இவரது மருமகள் விஜயாவுக்கு தருமபுரியை சேர்ந்த சாமுவேல் என்பவருடன் பழக்கம் ஏற்பட்டுள்ளது. இதனை பிடிக்காத விஜயாவின் மகள்கள் 3 பேரும் தன் பாட்டி தனத்துடன் வசித்து வந்தனர். இந்த சூழலில் விஜயாவின் 3 வது மகளை தனக்கு திருமணம் செய்து தருமாறு சாமுவேல் தகராறு செய்து வந்துள்ளார். இதற்கு தனம் மறுத்ததால் ஆத்திரமடைந்த சாமுவேல், தனத்தின் மீது ஆசிட்டை ஊற்றியதோடு அவரை கத்தியால் அறுத்து  கொலை செய்தார். அக்கம்பக்கத்தினர் அவரை தாக்கியதில் சாமுவேலும் உயிரிழந்தார். இந்த சம்பவம் தொடர்பாக போலீசார் நடத்திய விசாரணையில் கழிவறையை சுத்தம் செய்ய உதவும் ஆசிட்டை தனத்தின் மீது ஊற்றியது தெரியவந்துள்ளது. ஆசிட் வீசியதில் காயமடைந்த போலீசார் உட்பட 18 பேர் மருத்துவமனையில் சிகிச்சை பெற்று வருகின்றனர்.