"அனைத்து கிராமங்களிலும் விவசாயிகள் சேவை மையம் தொடங்குக" - மக்களவையில் திமுக எம்.பி ஜெகத்ரட்சகன் வலியுறுத்தல்

அனைத்து கிராமங்களிலும் விவசாயிகள் சேவை மையம் தொடங்க வேண்டும் என்று நாடாளுமன்ற மக்களவையில் அரக்கோணம் தொகுதி உறுப்பினர் ஜெகத்ரட்சகன் தெரிவித்துள்ளார். தரிசு நிலங்கள் கண்டறியப்பட்டு அவற்றை விளை நிலங்களாக மாற்ற வேண்டும், தகுதியான விதைகள் விவசாயிகளுக்கு இலவசமாக வழங்கப்பட வேண்டும் என்றும் அவர் வலியுறுத்தினார். கிராமங்களில்  உள்ள  நீர்நிலைகள் முறையாக பராமரிக்கப்பட வேண்டும் என்றும் உற்பத்திக்கு அதிகரித்து வரும் செலவை கணக்கில் கொண்டு குறைந்தபட்ச ஆதார விலையை நிர்ணயிக்க வேண்டும் என்றும் ஜெகத்ரட்சகன் கோரிக்கை விடுத்தார்.