"விடாமுயற்சிக்கு சிறந்த உதாரணமாக விளங்கும் விவசாயிகள்" - மத்திய நிதி அமைச்சர் நிர்மலா சீதாராமன் பேச்சு

அண்ணா பல்கலைக்கழக முன்னாள் துணைவேந்தர் பாலகுருசாமியின் வாழ்க்கை வரலாறு குறித்த "நேர்மையின் பயணம்" என்ற புத்தக வெளியீட்டு விழா, சென்னை அண்ணா பல்கலைக்கழக வளாகத்தில் நடைபெற்றது. இதில் சிறப்பு விருந்தினராக பங்கேற்று பேசிய மத்திய நிதியமைச்சர் நிர்மலா சீதாராமன், விடாமுயற்சி உடன் நேர்மையான முறையில் முன்னேறுவதற்கு உதாரணமாக திகழ்பவர் பாலகுருசாமி என்று தெரிவித்தார். மேலும் எந்த தொழிலும் ஏளனம் இல்லை என்று கூறிய அவர், அரசு இதை செய்யவில்லை அதை செய்யவில்லை என்று கூறிக்கொண்டிருக்காமல், விவசாயிகளை போல விடாமுயற்சியுடன் உழைக்க வேண்டும் என்று தெரிவித்தார்.