மேட்டூரில் நீர் திறக்கப்பட்டு 50 நாட்களுக்கு மேல் ஆகியும் கடைமடைக்கு முழுமையாக வந்து சேராத காவிரி நீர்

மேட்டூர் அணையில் இருந்து தண்ணீர் திறக்கப்பட்டு 50 நாட்களுக்கு மேல் ஆகியும், தஞ்சை மாவட்டம் கடைமடை பகுதிக்கு முழுமையாக காவிரி நீர் வந்து சேரவில்லை. டெல்டா மாவட்ட சாகுபடிக்காக மேட்டூர் அணையிலிருந்து ஆகஸ்ட் 13-ஆம் தேதி தண்ணீர் திறக்கப்பட்டது. இந்நிலையில் தண்ணீர் கடைமடை பகுதியான ராஜாமடம் வாய்க்கால் வழியாக நிரம்ப கூடிய செல்லிகுறிச்சி ஏரிக்கு இதுவரை வந்து சேரவில்லை. இதன் மூலமாக நேரடியாக சுமார் 100 ஏக்கர் சாகுபடியும், மறைமுகமாக 500 ஏக்கர் சாகுபடி பாதிக்கப்பட்டுள்ளதாக வேதனை தெரிவித்துள்ள விவசாயிகள், ஏரியில் நீர் நிரப்ப கோரிக்கை விடுத்துள்ளனர்.