"மனைவியுடன் சேர்த்து வைக்க கோரி இளைஞர் மிரட்டல் : கழுத்தில் வெடி, உடல் முழுவதும் பெட்ரோல்"

நெய்வேலியில் தனது  மாமியார் வீட்டின் முன்பு மணிகண்டன் என்பவர் கழுத்தில் நாட்டு சனல் வெடியை சுற்றிக்கொண்டு, கையில் பெட்ரோல் கேனுடன்,  தனது மனைவியை தன்னிடம் சேர்த்து வைக்க கோரி தற்கொலை மிரட்டல் விடுத்துள்ளார். அப்போது  அவ்வழியாக வந்த நெய்வேலி நகர முதன்மை காவலர் பாலச்சந்திரன் உயிரை பணயம் வைத்து, சூசமாக பேசினார். ஆனால், அதற்கு மணிக்கண்டன் விடாப்பிடியாக தற்கொலை செய்து கொள்ள போவதாக, கூறிக் கொண்டு மிரட்டினார். இதனால் விபரீதத்தை உணர்ந்த  காவலர் பாலச்சந்திரன், மணிகண்டனின் இரண்டு வயது குழந்தையை தூக்கி கொண்டு, தற்கொலை முடிவை கைவிடுமாறு கூறியுள்ளனர். குழந்தையை பார்த்து மனம்மாறிய மணிகண்டன் அழுதப்படியே தற்கொலை முயற்சியை கைவிட்டார். இதன் வீடியோ காட்சிகள் சமூக வலைதளங்களில் பரவி வருகிறது.