ஓமலூர் : மழையால் இடிந்து விழுந்த பள்ளி சுற்றுச்சுவர் - பள்ளியை சீரமைத்து தர பொதுமக்கள் கோரிக்கை

சேலம் மாவட்டம் ஓமலூர் அருகே மாட்டுக்காரனூர் பகுதியில் அரசு ஆதி திராவிடர் நல தொடக்கப்பள்ளி செயல்பட்டு வருகிறது. நேற்று பெய்த மழையால் பள்ளியின் கழிப்பறை மற்றும் சுற்றுச்சுவர் இடிந்து விழுந்தது. அதிர்ஷ்டவசமாக கழிவறைக்குள் குழந்தைகள் யாரும் இல்லாததால் உயிர்சேதம் தவிர்க்கப்பட்டது. இந்நிலையில், மழையால் பழுதடைந்த கட்டிடங்களை சீரமைத்து தர அப்பகுதி மக்கள் கோரிக்கை விடுத்துள்ளனர்.