தங்கம் விலை தொடர்ந்து சரிவு : சவரனுக்கு 224 ரூபாய் குறைந்தது

தங்கம் விலை சில நாட்களாக தொடர்ந்து சரிந்து வரும் நிலையில், இன்று சவரனுக்கு 224 ரூபாய் குறைந்துள்ளது. இந்த மாத தொடக்கத்தில் ஆபரண தங்கம் விலை வரலாறு காணாத உச்சத்தை தொட்ட நிலையில், கடந்த சில நாட்களாக விலை குறைந்து வருகிறது.  இந்த நிலையில் இன்றைய வர்த்தகத்தில் தங்கம் விலை சவரனுக்கு 224 ரூபாய் குறைந்து 28 ஆயிரத்து 672 ரூபாய்க்கு விற்பனையாகிறது. நேற்று ஒரு கிராம் தங்கம் 3 ஆயிரத்து 612 க்கு விற்பனை ஆன நிலையில், இன்று 3 ஆயிரத்து 584 ரூபாயாக வர்த்தகமாகி வருகிறது. ரூபாய் மதிப்பு சீராக இருந்து வரும் நிலையில், பங்குச் சந்தைகளும் ஏற்றம் கண்டுள்ளதால் தங்கம் விலை சரிந்து வருவதாக வர்த்தகர்கள் கூறியுள்ளனர்.