ஸ்ரீவில்லிபுத்தூர் அருகே வீட்டில் ஃபிரிட்ஜ் வெடித்து தீ விபத்து

ஸ்ரீவில்லிபுத்தூர் அருகே வீட்டில் ஃபிரிட்ஜ் வெடித்து தீ பிடித்ததால் பரபரப்பு நிலவியது. ஊரணிபட்டியை சேர்ந்தவர் ஜானகி. இவர் வீட்டை பூட்டி விட்டு கோயிலுக்கு சென்றுள்ளார். அப்பகுதியில் காலை முதல் மின்சாரம் நிறுத்தப்பட்டிருந்த நிலையில், மாலையில் மின்சாரம் வந்துள்ளது.மின்சாரம் வந்த சிறிது நேரத்தில் வீட்டில் இருந்த ஃப்ரிட்ஜ் வெடித்து தீ விபத்து ஏற்பட்டது. தீ பரவியதில் வீட்டில் இருந்த பொருட்கள் எரிந்து சேதமானது.பின்னர் சம்பவ இடத்துக்கு சென்ற தீயணைப்பு துறையினர் தீயை அணைத்தனர். வீட்டில் யாரும் இல்லாததால் உயிர்சேதம் தவிர்க்கப்பட்டது.