திமுக சார்பில் பொதுமக்களுக்கு இலவச குடிநீர் : திமுக அமைப்பு செயலாளர் ஆர்.எஸ்.பாரதி துவக்கி வைப்பு

சென்னையை அடுத்த ஆலந்தூர், ஆதம்பாக்கம், நங்கநல்லூர், பழவந்தாங்கல் ஆகிய பகுதிகளில் கடுமையான குடிநீர் தட்டுப்பாடு ஏற்பட்டுள்ளது. இந்நிலையில் திமுக சார்பில் 3 தண்ணீர் லாரிகள் மூலம் அப்பகுதி மக்களுக்கு இலவசமாக தண்ணீர் வழங்க ஏற்பாடு செய்யப்பட்டுள்ளது.  இதனை தொடங்கிவைத்த திமுக அமைப்பு செயலாளரும் எம்.பி.யுமான ஆர்.எஸ்.பாரதி, வீடு வீடாக குடிநீர் விநியோகிக்கப்படுவதை பார்வையிட்டார். பின்னர் செய்தியாளர்களிடம் பேசிய அவர், குடிநீர் தட்டுப்பாடு நிலவும் பகுதிகளில் தமிழகம் முழுவதும் தி.மு.க. சார்பில் குடிநீர் விநியோகிக்கப்படும் என்றார்.