காதில் ஹெட்-செட் அணிந்தபடி தூக்கில் தொங்கிய மாணவி - போலீசார் தீவிர விசாரணை

மதுரை மாவட்டம் திருமங்கலம் அருகே சமாதான நகரை சேர்ந்தவர் நந்தினி. விருதுநகரில் உள்ள தனியார் கல்லூரி ஒன்றில் படித்து வரும் ந‌ந்தினி, நேற்று இரவு தனது அறையில் தூக்கிட்டு தற்கொலை செய்து கொண்டார்.தகவல் அறிந்து வந்த ஆஸ்டின்பட்டி போலீசார், மாணவியின் உடலை கைப்பற்றி பிரேத பரிசோதனைக்கு அனுப்பி வைத்தனர்.காதில் ஹெட்செட் மாட்டியபடி மாணவி தற்கொலை செய்து கொண்டதால், மாணவியின் செல்போன் தொடர்புகள் குறித்து போலீசார் ஆய்வு செய்து வருகின்றனர்.இந்த சம்பவம் அப்பகுதி மக்களிடையே பரபரப்பை ஏற்படுத்தியுள்ளது.