ஆவணங்கள் இன்றி வேனில் கொண்டுவரப்பட்ட 2.5 கிலோ தங்கம் : பறிமுதல் செய்து போலீசார் தீவிர விசாரணை

சென்னை சவுகார்பேட்டையில் போலீசார் வாகன சோதனையில் ஈடுபட்டிருந்தனர். அப்போது சந்தேகத்துக்கு இடமாக வந்த வேனை மடக்கி சோதனையிட்டதில் இரண்டரை கிலோ தங்க கட்டி இருப்பது தெரியவந்தது. இதையடுத்து வேன் ஓட்டுனர் முரளியிடம் நடத்திய விசாரணையில் என்.எஸ்.சி போஸ் சாலையில் உள்ள நகைக்கடைக்கு கொண்டு செல்லப்படுவதாக தெரியவந்தது. இதையடுத்து அந்த கடையின் உரிமையாளரிடம் விசாரணை நடத்தியதில் உரிய ஆவணங்கள் இல்லாமல் இரண்டரை கிலோ தங்க கட்டிகள் எடுத்து வரப்பட்டது தெரியவந்தது. இதையடுத்து தங்கத்தை பறிமுதல் செய்த போலீசார், அது கடத்தல் தங்கமா என்ற அடிப்படையில்,  விசாரணை நடத்தி வருகின்றனர்.