தமிழக பட்ஜெட் - பா.ம.க. நிறுவனர் ராமதாஸ் கருத்து

தமிழகத்தை 9 மண்டலங்களாக பிரித்து திட்டங்கள் செயல்படுத்துவது, அத்திக்கடவு - அவிநாசி திட்டத்துக்கு நிதி ஒதுக்கீடு உள்ளிட்டவை பட்ஜெட்டில் வரவேற்கத்தக்கவை என பா.ம.க. நிறுவனர் ராமதாஸ் தெரிவித்துள்ளார். சென்னை, மதுரை, கோவையில்  மின்சார பேருந்துகள்,  சென்னை மெட்ரோ ரயில் சேவை வண்டலூர் வரை நீட்டிப்பு உள்ளிட்ட அறிவிப்புகளையும் அவர் வரவேற்றுள்ளார். அதே நேரம், வேலை வாய்ப்புகளை பெருக்குவதற்கான  திட்டங்கள் அறிவிக்கப்படாதது ஏமாற்றம் அளிப்பதாக ராமதாஸ் தெரிவித்துள்ளார்.