2018 சிறந்த காவல்நிலையம் : 8 -வது இடம் பிடித்தது, பெரியகுளம் காவல்நிலையம்

நாட்டிலேயே எட்டாவது சிறந்த காவல்நிலையமாக தேனி மாவட்டம், பெரியகுளம் காவல் நிலையம் தேர்வு செய்யப்பட்டுள்ளது. புதுடெல்லியில் செய்தியாளர்களிடம் பேசிய உள்துறை அமைச்சர் ராஜ்நாத் சிங், 2018 ஆண்டில் திறம்பட செயலாற்றிய காவல்நிலையங்களின் பட்டியலை வெளியிட்டார். அதில் முதலாவது இடத்தில் ராஜஸ்தான் மாநிலத்தின் காலு காவல்நிலையமும், இரண்டாவது இடத்தில் கேம்ப்பெல் பே காவல்நிலையமும் உள்ளது. 3 - வது  இடத்தில் மேற்கு வங்க மாநிலத்தின் ஃபராக்கா  காவல்நிலையமும், நான்காவது இடத்தில் புதுச்சேரியின் நெட்டப்பாக்கம் காவல் நிலையம் உள்ளது.