குடியிருப்பு பகுதிக்குள் புகுந்த 5 அடி நல்லப்பாம்பு

வேலூர் மாவட்டம் குடியாத்தம் எம்ஜிஆர் நகர் பகுதியில் ராஜா என்பவரின் வீட்டில் பாம்பு நுழைவதை கண்ட பொதுமக்கள் வனத்துறையினருக்கு தகவல் தெரிவித்துள்ளனர். நீண்டநேரம் ஆகியும் வனத்துறையினர் வராததால் தீயணைப்பு துறையினருக்கு தகவல் அளித்தனர். விரைந்து வந்த அவர்கள், சுமார் 5 அடி நீளம் உள்ள நல்லப்பாம்பை பிடித்து சென்றனர். பாம்புகளின் நடமாட்டம் அதிகரித்துள்ளதால், உடனடியாக தகவல் தெரிவிக்க  வனத்துறையினர் அவசர உதவி எண் வழங்க வேண்டும் என்று அப்பகுதி பொதுமக்கள் வேண்டுகோள் விடுத்துள்ளனர்.