கஞ்சா விற்பனையில் ஈடுபடும் பட்டதாரி இளைஞர்கள்..2 ஆண்டுகளில் 182 இளைஞர்கள் கைது..

தாம்பரம் பகுதியில், கடந்த 2 ஆண்டுகளில் கஞ்சா விற்பனை தொடர்பாக பட்டதாரிகள் உட்பட 182 இளைஞர்கள் கைது செய்யப்பட்டுள்ளதாக தாம்பரம் காவல் ஆணையர் அமல்ராஜ் தெரிவித்துள்ளார். சென்னை பல்லாவரத்தில் உள்ள தனியார் கல்லூரியில், காவல்துறை சார்பில் ஏற்பாடு செய்யப்பட்ட போதை விழிப்புணர்வு நிகழ்ச்சியில் ஏராளமான மாணவர்கள் கலந்துகொண்டனர். விழாவில் உரையாற்றிய காவல் ஆணையர், 18 முதல் 20 வயதிலான 182 இளைஞர்கள் கஞ்சா விற்றது தொடர்பாக கைது செய்யப்பட்டுள்ளதாகவும், மாணவர்களை குறிவைத்து அவர்கள் கஞ்சா விற்றதாகவும் தெரிவித்தார். அதனால் மாணவர்கள் விழிப்புடன் இருக்க வேண்டும் என அவர் அறிவுறுத்தினார்.