இங்கிலாந்துக்கு ஷாக் ட்ரீட்மென்ட்.. இந்தியாவின் தரமான சம்பவம்

ஹைதராபாத் ராஜீவ்காந்தி மைதானத்தில் நடைபெற்றுவரும் இந்தப் போட்டியின் 3ம் நாள் ஆட்டம் இன்று காலை தொடங்கியது. 7 விக்கெட் இழப்புக்கு 421 ரன்களுடன் இன்னிங்சை தொடங்கிய இந்திய அணியில் ஜடேஜா 87 ரன்களுக்கு ஆட்டமிழந்தார். அடுத்து வந்த பும்ரா ரன் ஏதும் எடுக்காமல் வெளியேறினார். கடைசி விக்கெட்டாக அக்சர் படேல் 44 ரன்களுக்கு ஆட்டமிழந்தார். முதல் இன்னிங்சில் 436 ரன்களுக்கு ஆல்-அவுட் ஆன இந்தியா, 190 ரன்கள் முன்னிலை பெற்றது. இங்கிலாந்து தரப்பில் ஜோ ரூட் 4 விக்கெட்டுகளை வீழ்த்தினார். 2வது இன்னிங்சில் இங்கிலாந்து தற்போது விளையாடி வருகிறது.