இங்கிலாந்தில் சம்பவம் செய்த ப்ரித்விஷா - இரட்டை சதம் விளாசி அசத்தல்

இங்கிலாந்தில் நடைபெறும் ராயல் லண்டன் ஒருநாள் கிரிக்கெட் தொடரில், இந்திய வீரர் ப்ரித்விஷா இரட்டை சதம் விளாசியுள்ளார். சோமர்செட் அணிக்கு எதிரான போட்டியில், நார்த்தாம்டன்ஷைர் அணிக்காக களமிறங்கிய இந்திய வீரர் ப்ரித்விஷா, 153 பந்துகளில் 244 ரன்கள் விளாசினார். இதில் 28 பவுண்டரிகளும், 11 சிக்சர்களும் அடங்கும். இதன்மூலம் உலக அரங்கில் லிஸ்ட் 'ஏ' போட்டிகளில், ஒரு இன்னிங்சில் அதிக ரன்கள் குவித்த வீரர்கள் பட்டியலில், ப்ரித்விஷா ஆறாம் இடத்தை பிடித்தார். முதல் இடத்தில் 277 ரன்கள் குவித்த தமிழக வீரர் நாராயண் ஜெகதீசன் உள்ளார் என்பது குறிப்பிடத்தக்கது.