U-19 மகளிருக்கான ஒருநாள் கிரிக்கெட் போட்டி - 10 விக்கெட் எடுத்து சண்டிகர் வீராங்கனை சாதனை

ஆந்திர மாநிலம் கடப்பாவில் நடைபெற்ற 19 வயதுக்கு உட்பட்ட தேசிய அளவிலான மகளிர் ஒருநாள் கிரிக்கெட் போட்டியில் 10 விக்கெட் எடுத்து சண்டிகர் வீராங்கனை  சாதனை படைத்தார். கடப்பா கே.எஸ்.ஆர். மைதானத்தில் 19 வயதுக்குட்பட்ட  மகளிருக்கான கிரிக்கெட் போட்டி நடைபெற்றது.  சண்டிகர் மற்றும் அருணாச்சல பிரதேசத்திற்கு இடையிலான ஒருநாள் போட்டியில் சண்டிகர் மாநிலத்தை சேர்ந்த பந்து வீச்சாளர் கேஷ்வி கெளதம், 10 விக்கெட் வீழ்த்தி உலக சாதனை படைத்தார்.  கேஷ்வி கெளதம் 4 புள்ளி 5 ஓவர்களில் வெறும் 12 ரன்களை விட்டு கொடுத்து 10 விக்கெட்கைப்பற்றினார். இதில் ஹாட்ரிக் சாதனையும் அடங்கும். இதே போன்று கேஷ்வியு தமது பேட்டிங்கில் 49 ரன் எடுத்து அணிக்கு வலு சேர்த்தார்.