டி.என்.பி.எல் கிரிக்கெட் தொடர் - இறுதி போட்டிக்கு நுழைந்தது சேப்பாக் சூப்பர் கில்லீஸ்

நெல்லையில் நடைபெற்ற இந்த போட்டியில் டாஸ் வென்ற சேப்பாக் சூப்பர் கில்லீஸ் அணி பேட்டிங்கை தேர்வு செய்தது. தொடக்க ஆட்டக்காரர்கள் கோபிநாத் , ஸ்ரீதர் பொறுப்பாக ஆடி முதல் விக்கெட்டுக்கு 63 ரன்கள் சேர்த்தனர், சிறப்பாக ஆடிய ஸ்ரீதர் 81 ரன்கள் குவித்து ஆட்டமிழந்தார். 20 ஓவர் முடிவில் சேப்பாக் அணி 7 விக்கெட் இழப்பிற்கு 169 ரன்கள் குவித்தது.இதனையடுத்து 170 ரன்கள் இலக்கை நோக்கி விளையாடிய திண்டுக்கல் டிராகன்ஸ் அணி , நேர்த்தியாக ஆடி ரன்கள் சேர்த்த போதிலும் , இறுதி கட்டத்தில் விக்கெட்டுகளை இழந்தது. 20 ஓவர்கள் முடிவில் திண்டுக்கல் அணி 7 விக்கெட்களை இழந்து, 164 ரன்கள் எடுத்து 5 ரன் வித்தியாசத்தில் தோல்வியை தழுவியது .இந்த வெற்றியின் மூலம் சேப்பாக் அணி இறுதி போட்டிக்கு நேரடியாக தகுதி பெற்றது.