டி.என்.பி.எல். - சேப்பாக் அணி 54 ரன் வித்தியாசத்தில் அபார வெற்றி

நெல்லை சங்கர் சிமெண்ட்ஸ் மைதானத்தில் நடைபெற்ற இந்த போட்டியில், டாஸ் வென்ற சேப்பாக் அணியில் கேப்டன் கவுசிக் காந்தி முதலில் பேட் செய்ய தீர்மானித்தார். அதன் படி களமிறங்கிய சேப்பாக் அணியின் தொடக்க ஆட்டக்கார‌ர்கள், கங்கா ஸ்ரீதர் ராஜு, மற்றும் கோபிநாத் பொறுப்பான ஆட்டத்தை வெளிப்படுத்தி அரைசதம் கடந்தனர். தொடர்ந்து வந்த வீர‌ர்களும், தங்கள் பங்கிற்கு அதிரடி காட்ட, சேப்பாக் அணி, நிர்ணயிக்கப்பட்ட 20 ஓவர்களில், 175 ரன்கள் எடுத்த‌து. அடுத்து களமிறங்கிய காரைக்குடி காளைஸ் அணியின் தொடக்க ஆட்டக்கார‌ர்களான ஆதித்யா மற்றும் ஸ்ரீகாந்த் அனிருதா, சேப்பாக் அணி வீர‌ர் பெரிய சாமியின் பந்துவீச்சை எதிர்கொள்ள முடியாமல் அடுத்தடுத்து போல்ட் ஆகி வெளியேறினர். இதை தொடர்ந்து சீரான இடைவெளிகளில் விக்கெட்டுகளை வீழ்த்திய சேப்பாக் அணி, காரைக்குடி அணியை 121 ரன்களுக்கு சுருட்டியது. இதனால் 54 ரன்கள் வித்தியாசத்தில் அந்த அணி அபார வெற்றி பெற்றுள்ளது.பந்துவீச்சில் மிரட்டிய பெரிய சாமி ஆட்டநாயகனாக தேர்ந்தெடுக்கப்பட்டார்.