சேப்பாக் கில்லீஸ் அணி வலுவாக உள்ளது - பா.சிவந்தி ஆதித்தன்

நான்காவது டி.என்.பி.எல். 20 ஓவர் கிரிக்கெட் தொடர், வரும் 19ஆம் தேதி திண்டுக்கல்லில் தொடங்குகிறது. இதுகுறித்து சென்னை சேப்பாக்கம் மைதானத்தில் செய்தியாளர்கள் சந்திப்பு நடைபெற்றது. அப்போது பேசிய சேப்பாக் சூப்பர் கில்லீஸ் அணியின் உரிமையாளர் பா.சிவந்தி ஆதித்தன், கடந்த முறையைவிட, தற்போது தங்கள் அணி வலுவாக உள்ளதாக தெரிவித்தார். திறமையான வீரர்களுக்கு டி.என்.பி.எல். ஒரு வாய்ப்பு என்றும், தங்கள் அணியான சேப்பாக் சூப்பர் கில்லீஸ் அணியில் கிராமப்புறத்தில் இருந்து 3 வீரர்கள் விளையாட உள்ளதாகவும் கூறினார். திறமையாக விளையாடும் யாராக இருந்தாலும், தங்கள் அணியில் வாய்ப்பு உண்டு என்றும் சிவந்தி ஆதித்தன் தெரிவித்தார். இந்திய கிரிக்கெட் அணியின் வீரர் விஜய் சங்கர் உள்ளிட்ட திறமையான வீரர்கள், தங்கள் இடம்பெற்றுள்ளதாகவும் உள்ளதாகவும், மலிங்கா போன்ற பந்து வீச்சாளரை தங்கள் அணி தேர்வு செய்துள்ளதாகவும் அவர் குறிப்பிட்டார்.