`மீண்டும் ஒன்று கூடுவோம்'- ராகுல் காந்தி தலைமையில் ஆலோசனை கூட்டம்

பேரழிவில் இருந்து வயநாடு படிப்படியாக மீண்டு வருகிறது என கூறியிருக்கும் ராகுல் காந்தி, வயநாட்டுக்கு இன்னும் நிறைய செய்ய வேண்டியதுள்ளது என எக்ஸ் தளத்தில் தெரிவித்துள்ளார். வயநாட்டில் சுற்றுலாவை புத்துயிர் பெறச் செய்வது அவசியம் என்றவர், நிலச்சரிவு ஒரு குறிப்பிட்ட பகுதியில் தான் நடந்துள்ளதே தவிர, வயநாடு முழுவதும் ஏற்படவில்லை என்றும் வயநாடு தனது இயற்கை வசீகரத்துடன் சுற்றுலாப் பயணிகளை வரவேற்க தயாராக இருக்கும் என்றும் தெரிவித்துள்ளார். வயநாட்டு சகோதர சகோதரிகளுக்கு ஆதரவு அளிக்க மீண்டும் ஒன்று கூடுவோம் எனவும் ராகுல் அழைப்பு விடுத்துள்ளார். ஆலோசனை கூட்டத்தில் வயநாடு தொகுதியில் காங்கிரஸ் வேட்பாளர் பிரியங்கா காந்தியும் கலந்து கொண்டார்.