"வெளிநாடு வாழ் தமிழர்களுக்கு..." அமைச்சர் பொன்முடி சொன்ன கருத்து

தமிழ்நாட்டில் இருக்கும் தமிழர்களை விட வெளிநாட்டில் இருக்கும் தமிழர்களுக்கு தான் தமிழ் உணர்வு அதிகம் உள்ளதாக உயர்கல்வித்துறை அமைச்சர் பொன்முடி கூறியுள்ளார். சென்னை சைதாப்பேட்டையில் உள்ள தமிழ்நாடு திறந்தநிலைப் பல்கலைக்கழகத்தில் கலைஞர் நூற்றாண்டு விழாவை முன்னிட்டு, உலகத் தமிழ் வளர்ச்சி மாநாடு தொடங்கி உள்ளது. இதன் தொடக்க விழாவில் அமைச்சர் பொன்முடி கலந்து கொண்டார். விழாவில் பேசிய அமைச்சர் பொன்முடி, இன்றைய இளைஞர்களிடம் தமிழ் உணர்வு கேள்விக்குறியாக இருக்கிறது என்றும், தமிழ் உணர்வை வளர்ப்பதே நோக்கமாக இருக்க வேண்டும் என்றும் கூறினார்.