`சேரி' மொழி சர்ச்சை.. - குஷ்பு வீட்டை சூழ்ந்த காங்கிரசார் - சென்னையில் பரபரப்பு

சென்னையில் நடிகையும் தேசிய மகளிர் ஆணைய உறுப்பினருமான குஷ்புவின் வீட்டை முற்றுகையிட முயன்ற காங்கிரஸ் கட்சியினரை போலீசார் தடுத்து நிறுத்தி கைது செய்தனர்..

சேரி மொழி என்று சமூக வலைதளத்தில் சர்ச்சைக்குரிய வகையில் கருத்து தெரிவித்த, குஷ்புவுக்கு பலரும் கண்டனம் தெரிவித்து வரும் நிலையில், தமிழக காங்கிரஸ் சார்பில் ஆர்ப்பாட்டம் அறிவிக்கப்பட்டது. இதையடுத்து, சென்னை சாந்தோம் நெடுஞ்சாலையில் குஷ்புவின் வீட்டை, காங்கிரஸ் கட்சியின் எஸ்.சி., எஸ்.டி பிரிவின் மாநில தலைவர் ரஞ்சன் குமார் தலைமையில் காங்கிரஸ் கட்சியினர் முற்றுகையிட முயன்றனர். அவர்களை போலீசார் 100 மீட்டருக்கு முன்பாகவே, தடுப்பு வேலிகள் அமைத்து தடுத்து நிறுத்தினர். இதையடுத்து, போலீஸ் பேரிகார்டுகளை தள்ளிவிட்டு, குஷ்புவின் வீட்டை காங்கிரஸ் கட்சியினர் முற்றுகையிட முயன்ற நிலையில், அவர்களை போலீசார் கைது செய்தனர்..