"மனிதரிடம் இருந்து குரங்குக்கு கொரோனா பரவ வாய்ப்பு" - கேரள முதலமைச்சர் பினராயி விஜயன்

மனிதரிடம் இருந்து குரங்குகளுக்கு கொரோனா பரவ வாய்ப்பு உள்ளதாக கேரள முதலமைச்சர் பினராயி விஜயன் தெரிவித்துள்ளார். திருவனந்தபுரத்தில் செய்தியாளர்களை சந்தித்த அவர், கோவிட் 19 வைரஸ் மனிதரிடம் இருந்து குரங்குகளுக்கு பரவ வாய்ப்புள்ளதால், கொரோனா பாதிக்கப்பட்டவர்கள் குரங்குகளுக்கு உணவு அளிக்க வேண்டாம் எனவும், காடுகளை ஒட்டிய பகுதிகளில் குரங்கு காய்ச்சல் அறிகுறி காணப்படுவதாக தகவல் வருவதால் மக்கள் முன்னெச்சரிக்கையுடன் இருக்க வேண்டும் எனவும் வேண்டுகோள் விடுத்தார். மேலும், மத்திய அமைச்சர் ஸ்மிருதி இரானியின் தலையீட்டால், வயநாடு பகுதியில் வெளிமாநில தொழிலாளர்களுக்கு உணவு வழங்கப்பட்டதாக வெளியான தகவலில் உண்மை இல்லை எனவும் அவர் கூறினார்.