"என்ன என்ஜினே இல்லாம போகுது" - அலறியடித்து ஓடிய மக்கள்

ஜார்க்கண்ட் மாநிலம் பர்ஹத்வா ரயில் நிலையம் அருகே, என்ஜின் இல்லாமல் ரயில் பெட்டிகள் நகர்ந்து சென்றதால் பரபரப்பு ஏற்பட்டது. சில நாட்களுக்கு முன்பு இரண்டு சரக்கு ரயில் பெட்டிகளும், 4 பயணிகள் ரயில் பெட்டிகளும், பராமரிப்புக்காக பர்ஹத்வா ரயில் நிலையம் அருகே நிறுத்தி வைக்கப்பட்டிருந்தன. இந்நிலையில் 6 ரயில் பெட்டிகளும் என்ஜின் இல்லாத நிலையில், தானாகவே தண்டவாளத்தில் நகர்ந்து சென்றதால் பரபரப்பு ஏற்பட்டது. எனினும் ரயில் நிலையத்தில் நுழைவதற்கு முன்பே, ரயில் பெட்டிகள் நிறுத்தப்பட்டன. இந்த விவகாரம் தொடர்பாக விசாரணை நடைபெற்று வருவதாக ரயில்வே நிர்வாகம் தெரிவித்துள்ளது.