ட்ராக்கில் உறக்கம்.. ரயிலை நிறுத்திய ஒற்றை நபர்.. வைரலாகும் வீடியோ

ட்ராக்கில் உறக்கம்.. ரயிலை நிறுத்திய ஒற்றை நபர்.. வைரலாகும் வீடியோ

உத்தரப்பிரதேசத்தில், ரயில் தண்டவாளத்தில் குடையுடன் படுத்து உறங்கிய நபரால், ரயில் பாதி வழியில் நிறுத்தப்பட்டது.. இதுகுறித்த கூடுதல் தகவல்களை செய்தியாளர் ராஜாவிடம் கேட்கலாம்..

ரயில்வே தண்டவாளத்தில் குடையுடன் சுகமாக தூங்கிக் கொண்டிருந்த நபர்

உத்தர பிரதேசம் மாநிலம் பிரயாக்ராஜில், ரயில் தண்டவாளத்தில் தலை வைத்து சுகமாக தூங்கிக் கொண்டிருக்கும் வீடியோ வெளியாகி உள்ளது அதுமட்டுமின்றி, மழையில் இருந்து தற்காத்துக் கொள்ள குடையும் வைத்து தூங்கி உள்ளார் .

ரயில் தண்டவாளத்தில் தூங்கிக் கொண்டிருந்த இந்த நடுத்தர வயது நபரைப் பார்த்து ரயிலை நிறுத்த வேண்டியதாயிற்று. ரயிலை நிறுத்திய பிறகு, ரயில் லோகோ பைலட் அந்த நபரை தூக்கத்திலிருந்து எழுப்பினார்.

தண்டவாளத்தில் தூங்கிக் கொண்டிருந்த நபர் ரயில் பாதையில் இருந்து வெளியே அகற்றப்பட்டார் .பின்னர் ரயில் முன்னோக்கி நகர்ந்தது.

பிரயாக்ராஜ் முதல் பிரதாப்கர் மார்க்கத்தில் ரயில் சென்று கொண்டிருந்தது. பிரயாக்ராஜில் உள்ள மௌயிமாவைச் சுற்றி இந்த சம்பவம் நடந்துள்ளது.

இந்த வீடியோ தற்போது இணையத்தில் வைரல் ஆகி வருகிறது.