கோயில் விழாவில் அட்டகாசம் செய்த யானை

கேரள மாநிலம், திருச்சூர் அருகே கோயில் விழாவில் மிரண்ட யானை, வாகனங்களை தலைகீழாக கவிழ்த்து சேதப்படுத்தியதோடு அப்பகுதியை கலவர பூமி போல் மாற்றியது. திருப்பறையாறு பார்த்தசாரதி கோயிலில் நடைபெற்ற விழாவில், பல்வேறு சடங்குகளில் யானையை பங்கேற்கச் செய்தபோது, அது திடீரென மிரண்டு அங்குமிங்கும் ஓடி, நிறுத்தப்பட்டிருந்த வாகனங்களை கவிழ்த்து சேதப்படுத்தியது. யானைப் பாகன்களை கட்டுக்குள் கொண்டுவர முயன்றாலும், கட்டுக்கடங்காமல் மிரண்டு ஓடிய யானை, சாலையோரம் அமைக்கப்பட்டிருந்த கடைகளை சேதப்படுத்தியும், பக்தர்களை துரத்தியும் அப்பகுதியை கலவர பூமி போல் மாற்றியது. சில மணி நேரத்திற்கு பிறகு யானை சகஜ நிலைக்கு திரும்பியதால், அப்பகுதி மக்கள் நிம்மதி அடைந்தனர்.