ஃப்ளோரன்ஸ் நைட்டிங்கேல் பிறந்த நாள்.. உறுதிமொழி எடுத்த தஞ்சை மாணவிகள்

"கை விளக்கு ஏந்திய காரிகை" என்று அழைக்கப்படும் ஃப்ளோரன்ஸ் நைட்டிங்கேல் பிறந்த நாளான இன்று உலக செவிலியர் தினமாக கொண்டாடப்படுகிறது.

சர்வதேச செவிலியர் தினத்தை முன்னிட்டு, தஞ்சை மருத்துவக்கல்லூரி மருத்துவமனையில் பணியாற்றி வரும் செவிலியர்கள், மாணவிகள் பேரணியை மருத்துவக்கல்லூரி கண்காணிப்பாளர் ராமசாமி கொடியசைத்து துவக்கி வைத்தார்... செவிலியர்கள் அனைவரும் கைகளில் மெழுகுவர்த்தி ஏந்தி, கைகளை நீட்டி உறுதிமொழி எடுத்துக் கொண்டனர்.

புதுச்சேரி இந்திரா காந்தி அரசு பொது மருத்துவமனை மற்றும் பட்ட மேற்படிப்பு நிறுவனத்தில் கொண்டாடப்பட்ட விழாவில் செவிலியர்கள் அனைவரும் மெழுகுவர்த்தி ஏந்தி உறுதிமொழி ஏற்றுக் கொண்டனர். பின்னர் அலங்கரித்து வைக்கப்பட்டிருந்த ஃப்ளோரன்ஸ் நைட்டிங்கேள் படத்திற்கு மலர் தூவி மரியாதை செலுத்தினர்.