காரின் எஞ்சினில் கிளம்பிய திடீர் தீ... - கொழுந்துவிட்டு எரிந்த காரால் பரபரப்பு

புதுச்சேரியில் சாலையோரத்தில் நிறுத்தி வைக்கப்பட்டிருந்த கார் திடீரென தீ பற்றி எரிந்ததால் பரபரப்பு ஏற்பட்டது. புதுச்சேரி, கோவிந்த சாலை பகுதியை சேர்ந்த பிரபு என்பவர் தனது காரை சாலையோரம் நிறுத்தி வைத்திருந்தார். இன்று காலை திடீரென காரின் இஞ்சினில் இருந்து புகை வந்ததால் அக்கம்பக்கத்தினர் தீயணைப்பு துறைக்கு தகவல் கொடுத்தனர். கார் கொழுந்துவிட்டு எரிய தொடங்கிய நிலையில், தீயணைப்பு படையினர் விரைந்து செயல்பட்டு தீயை அணைத்தனர். இந்த சம்பவத்தால் அப்பகுதியில் சிறிது நேரம் பரபரப்பு ஏற்பட்டது.