"ஒரு மாநிலத்தையே கவிழ்க்க நினைத்த பாஜகவின் சதியை முறியடித்த இந்தியா கூட்டணி" - ராகுல் காந்தி

ஜார்க்கண்ட் மாநிலத்தில் பாஜக அதிகார துஷ்பிரயோகத்தால் ஆட்சியை சீர்குலைக்க முயன்றது என்று காங்கிரஸ் எம்.பி. ராகுல் காந்தி குற்றம் சாட்டியுள்ளார்.

ராகுல் காந்தியின் பாரத் ஜோடோ நியாய யாத்திரை, ஜார்க்கண்ட் மாநிலத்திற்குள் நுழைந்துள்ள நிலையில், அவரை அந்த மாநிலத்தின் புதிய முதல்வராக பொறுப்பேற்றுள்ள சம்பாய் சோரன் வரவேற்றார். அப்போது, பேட்டி அளித்த ராகுல் காந்தி, ஜார்க்கண்ட் மாநிலத்தில் மக்களால் தேர்ந்தெடுக்கப்பட்ட அரசை பாஜக சீர்குலைக்க முயன்றது என்றும், ஆனால், இந்தியா கூட்டணி எதிர்த்து நின்று பாஜகவின் சதியை முறியடித்தது என்றும் கூறினார். பண பலம் மற்றும் விசாரணை அமைப்புகளை பாஜக தன் வசம் வைத்திருந்தாலும், அதைக் கண்டு தானும், காங்கிரஸ் கட்சியும் அஞ்சப்போவதில்லை என்றும் அவர் கூறினார்.