இந்தியா கூட்டணியின் தலைவர் யார்? அடிபடும் ஒரே தலைவரின் பெயர்

எதிர்க்கட்சிகள் அடங்கிய இந்திய கூட்டணி ஆலோசனை கூட்டம் இன்று காலை காணொலி காட்சி மூலம் நடைபெற்றது. இதில், காங்கிரஸ் தலைவர் மல்லிகார்ஜுன் கார்கே, ராகுல் காந்தி, தமிழக முதலமைச்சர் ஸ்டாலின், பிஹார் முதலமைச்சர் நிதீஷ் குமார் உள்ளிட்டோர் பங்கேற்றனர். கூட்டத்தில், தொகுதி பங்கெட்டில் ஏற்பட்டுள்ள முன்னேற்றம், கூட்டணியின் ஒருங்கிணைப்பாளராக நிதீஷ் குமாரை நியமிப்பது ஆகியவை ஆலோசிக்கப்பட்டுள்ளது. ஆனால், அதனை நிதீஷ் குமார் ஏற்க மறுத்துவிட்டதாகவும், ஒருங்கிணைப்பாளர் மற்றும் தலைவர் பொறுப்புக்கு காங்கிரஸ் தலைவர் மல்லிகார்ஜுன கார்கேவை நியமிக்க வேண்டும் என பரிந்துரை செய்த‌தாகவும் கூறப்படுகிறது.