மணிப்பூர் ஆயுதக்கிடங்கில் கை வைத்த கும்பல் - ஏ.கே 47, 19,000 குண்டுகள்..

மணிப்பூரில் ஆயுதக்கிடங்கில் புகுந்து ஏ.கே.47 ரக துப்பாக்கி மற்றும் 19 ஆயிரம் தோட்டாக்கள் திருடப்பட்ட சம்பவம் அதிர்ச்சியை ஏற்படுத்தியுள்ளது. மணிப்பூரில் கடந்த 2 மாதங்களைக் கடந்தும் பதற்றமும் வன்முறையும் நீடிக்கிறது. பிஷ்னுபூர் மாவட்டம் நாரன்சீனாவில் உள்ள 2-வது இந்திய ரிசர்வ் பட்டாலியன் தலைமையகத்தில் புகுந்த ஒரு கும்பல், ஏகே-47 துப்பாக்கி, இலகுரக இயந்திர துப்பாக்கிகள், கைக்குண்டுகள், புல்லட் ப்ரூஃப் ஜாக்கெட்டுகள் மற்றும் 19 ஆயிரத்திற்கும் மேற்பட்ட தோட்டாக்களைக் கொள்ளையடித்துள்ளது. சம்பவத்தின்போது மணிப்பூர் ரைபிள் படையை சேர்ந்த காவல் அதிகாரி ஒருவர் கொல்லப்பட்டதாக கூறப்படுகிறது.