அள்ளி கொஞ்ச தோன்றும் அழகான நாய்குட்டிகள் - தேசிய அளவிலான நாய்கள் கண்காட்சி

உதகையில் நடைபெற்று வரும் தேசிய அளவிலான நாய்கள் கண்காட்சியை, ஏராளமான சுற்றுலாப் பயணிகள் கண்டு ரசித்தனர். மூன்று நாள்கள் நடைபெறும் நாய்கள் கண்காட்சியில் 56 வகைகளில் 450க்கும் மேற்பட்ட நாய்கள் பங்கேற்றுள்ளன. சிரிய வகை நாயான மினியேச்சர், ஜெர்மன் ஷெபர்ட், லேப்ரடார், சைபீரியன் ஹஸ்கி, பீகில் மற்றும் உள்நாட்டு ரகங்களான ராஜபாளையம், கன்னி, சிப்பிப்பாறை உள்ளிட்டவை சுற்றுலாப் பயணிகளை கவர்ந்திழுத்தன. சிறந்த நாய்களை தேர்வு செய்ய பிலிப்பைன்ஸ், சிங்கப்பூர் ஆகிய நாடுகளிலிருந்து சிறப்பு நடுவர்களும் வந்துள்ளனர். அவர்கள், நாய்களின் இனம், வயது, உடல் எடை, உடல் தோற்றம், கட்டளைக்கு கீழ் படிதல் உள்ளிட்டவைகளை கண்காணித்து பரிசுகளை வழங்கி வருகின்றனர்.