"சாலை போக்குவரத்து மாற்றம்.. மெட்ரோல தான் போகணும்" - தலைநகர் காவல்துறை சொன்ன தகவல்

நடப்பாண்டின் ஜி20 உச்சி மாநாடு, டெல்லியில் உள்ள பிரகதி மைதானத்தில், வரும் 9, 10 ஆகிய இரு தினங்களில் நடைபெற உள்ளது. இதில் அமெரிக்கா, சீனா, ரஷ்யா உள்ளிட்ட பல நாடுகளின் முக்கிய தலைவர்கள் கலந்து கொள்ள உள்ளனர். அதை முன்னிட்டு வார இறுதி நாளான இன்றும், நாளையும் டெல்லியில் கார்கேட் ஒத்திகை நிகழ்ச்சிகள் நடைபெற உள்ளதாக, அம்மாநில காவல்துறை தெரிவித்துள்ளது. இதனால் டெல்லியின் பல இடங்களில் சாலை போக்குவரத்து மாற்றம் செய்யப்பட்டுள்ளதாகவும், 2 நாட்களுக்கு மக்கள் மெட்ரோ ரயில் சேவையை பயன்படுத்துமாறும் கூறப்பட்டுள்ளது. அதேசமயம் மாநகர பேருந்து சேவைகள் பாதிக்கப்படாது என்றும், ரயில் மற்றும் விமான நிலையங்களுக்கு செல்ல, மக்கள் ஆட்டோ ரிக்‌ஷாக்கள், டாக்சிகளை பயன்படுத்த அனுமதிக்கப்படுவர் என்றும் டெல்லி போலீசார் தெரிவித்துள்ளனர்.