"மும்பையில் கனமழை பெய்யும்"- வானிலை ஆய்வு மையம் எச்சரிக்கை

மகாராஷ்டிரா மாநிலம் மும்பையில் கனமழை பெய்யும் என, இந்திய வானிலை ஆய்வு மையம் அறிவித்துள்ளது. மகாராஷ்டிராவில் கடந்த 9ஆம் தேதி தென்மேற்கு பருவமழை தொடங்கியது. மும்பை, தானே உள்ளிட்ட பல்வேறு பகுதிகளில் பெய்த கனமழை காரணமாக, சாலைகளில் வெள்ள நீர் பெருக்கெடுத்து ஓடியது. மேலும், புறநகர் ரயில் சேவை பெரிதும் பாதிக்கப்பட்டது. இதனிடையே, மும்பையில் பல்வேறு பகுதிகளில் இன்று கனமழை பெய்யும் என, வானிலை ஆய்வு மையம் எச்சரித்துள்ளது.