வாக்குச்சாவடியில் மோதல்... துப்பாக்கி சூட்டில் 4 பேர் உயிரிழப்பு

மேற்கு வங்கத்தில் வாக்குச்சாவடியில்  சிஐஎஸ்எப் படை நடத்திய துப்பாக்கி சூட்டில் 4 பேர் உயிரிழந்துள்ளனர்.மேற்கு வங்கத்தில் 4-வது கட்டமாக 44 தொகுதிகளில் வாக்குப்பதிவு நடக்கிறது. கூச் பெகார் மாவட்டம் சிதால்குச்சி சட்டப்பேரவை தொகுதியிலும் வாக்குப்பதிவு நடைபெற்றது. அங்கு ஜோர்பாத்கி வாக்குச்சாவடியில் மத்திய பாதுகாப்பு படையினர் நடத்திய துப்பாக்கி சூட்டில் 4 பேர் உயிரிழந்துள்ளனர். 10 மணியளவில் வாக்குச்சாவடியில் பிரச்சினையில் ஈடுபட்ட இருதரப்பினர், துப்பாக்கியை பறிக்க முயன்றதால் துப்பாக்கி சூடு தாக்குதல் நடத்தப்பட்டதாக பாதுகாப்பு படை தரப்பில் தெரிவிக்கப்பட்டுள்ளது. இதற்கிடையே பாதுகாப்பு படையினர் பாஜகவுக்கு சார்பாக செயல்பட்டதாகவும், தட்டிக்கேட்ட திரிணாமுல் காங்கிரஸ் கட்சியினர் 5 பேர் சுட்டுக் கொல்லப்பட்டுள்ளனர் என அக்கட்சி அறிக்கையை வெளியிட்டுள்ளது.  துப்பாக்கி சூடு சம்பவத்தை அடுத்து அப்பகுதியில் பதற்றம் நிலவி வருகிறது. பாஜக மற்றும் திரிணாமுல் காங்கிரஸ் இடையே கடும் வார்த்தை போர் வெடித்துள்ளது.