நகை அடகுக்கடையில் துப்பாக்கி முனையில் கொள்ளை - சிசிடிவி காட்சிகளை வைத்து போலீசார் விசாரணை

ஆந்திராவில் மணப்புரம் கோல்ட் பைனான்ஸில் முக கவசம் அணிந்து வந்த 2 இளைஞர்கள் துப்பாக்கியை காட்டி கொள்ளையடித்துச்சென்ற சிசிடிவி காட்சி வெளியாகி உள்ளது. அனந்தபுரம் மாவட்டம் ராயதுர்கத்தில் மணப்புரம் கோல்டு ஃபைனான்ஸ் செயல்பட்டு வருகிறது. இந்த நிதி நிறுவனத்தில் நகையை அடகு வைப்பதாக உள்ளே சென்ற மர்ம நபர்கள், கையில் இருந்த துப்பாக்கியை காட்டி ஊழியர்களை மிரட்டியுள்ளனர். அப்போது அவர்களிடம் இருந்த  51 ஆயிரம் ரூபாய் பணத்தை கொள்ளையடித்துச்சென்றதோடு, ஊழியர்கள் மீது ஆசிட் வீசிச்சென்றுள்ளனர். இது குறித்த புகாரைத்தொடர்ந்து, தப்பியோடியவர்களை சிசிடிவி காட்சிகளை வைத்து போலீசார் விசாரித்து வருகின்றனர்