சாலையில் பெருக்கெடுத்த வெள்ளம் - கர்ப்பிணியை பாதுகாப்பாக அழைத்து சென்ற போலீஸ்

தெலங்கானா மாநிலம் மஞ்சேரியல் மாவட்டத்தின் பல்வேறு பகுதிகளில் கனமழை பெய்து வருகிறது. இதனால் தாழ்வான பகுதிகளில் மழைநீர் தேங்கி உள்ளது. சென்னூர் பகுதியில் சாலையில் வெள்ளநீர் பெருக்கெடுத்து ஓடும் நிலையில், கர்ப்பிணி பெண் ஒருவரை போலீஸார் டிராக்டரில் வைத்து, வெள்ளநீரை கடந்து, பாதுகாப்பாக மறுகரைக்கு அழைத்துச் சென்று, மருத்துவமனையில் சேர்த்தனர். இந்தச் சம்பவம் அப்பகுதியினரை நெகிழ்ச்சியடைய செய்துள்ளது.