புனேவில் கொரோனா பாதிப்பு எண்ணிக்கை 5ஆக உயர்வு

மகாராஷ்டிர மாநிலம் புனேவில் கொரோனா வைரசால் பாதிக்கப்பட்டவர்களின் எண்ணிக்கை 5 ஆக உயர்ந்துள்ளது. 2 நாட்களுக்கு முன்பு, மும்பையில் இருந்து புனேவிற்கு காரில் பயணித்த இருவருக்கு, கொரோன வைரஸ் இருப்பது தெரிய வந்தது. இதனையடுத்து சுகாதாரத் துறை அதிகாரிகள் மேற்கொண்ட பரிசோதனையில், பாதிப்பிற்குள்ளான ஒருவரின் குழந்தை, கார் ஓட்டுநர் மற்றும் சக பயணி  ஒருவருக்கும் கொரோனா பாதிப்பு இருப்பது உறுதியானது. இதனால், புனேவில் கொரோனா பாதிப்பு எண்ணிக்கை 5 ஆக உயர்ந்தது. இதையடுத்து இந்த 5 பேருடனும் தொடர்புடைய நபர்களை தேடும் பணி தீவிரமாக நடைபெற்று வருகிறது.