மஹாராஷ்டிரா, ஹரியானா தேர்தல் களம் - மாலையுடன் ஓய்கிறது தேர்தல் பிரசாரம்

மஹாராஷ்டிரா மற்றும்  ஹரியானாவில், மாலை 6 மணியுடன் பிரசாரம் ஓய்கிறது. மஹாராஷ்டிராவில் மொத்தமுள்ள 288 தொகுதிகளில், ஒரே கட்டமாக வாக்குப்பதிவு, வருகிற திங்கட்கிழமை நடைபெறுகிறது. இதேபோல, ஹரியானாவில், 90 தொகுதிகளுக்கு தேர்தல் நடைபெறும். மாலையுடன் பிரசாரம் ஓய்வதால், தலைவர்களும், வேட்பாளர்களும் இறுதிக்கட்ட வாக்கு சேகரிப்பில் ஈடுபட்டு உள்ளனர். இரு மாநிலங்களிலும் ஆட்சியை பிடிப்பது யார் என்பது வருகிற 24 ம் தேதி, வாக்கு எண்ணிக்கையின் முடிவில் தெரிய வரும்.