நவீன ஏவுகணை சோதனை வெற்றி...

எதிரி நாட்டு ராணுவ பீரங்கிகளை தாக்கி அழிக்கும் நவீன ஏவுகணை சோதனை, வெற்றிகரமாக நடத்தப்பட்டுள்ளது. இந்த ஆராய்ச்சியை இந்திய பாதுகாப்பு ஆராய்ச்சி மற்றும் மேம்பாட்டு நிறுவனம் நடத்தியது. எதிரி படையின் ராணுவ பீரங்கி மற்றும் இலக்குகளை குறிவைத்து தாக்கி அழிக்கும் நவீன ஏவுகணை சோதனை, ஆந்திர மாநிலம் கர்னூலில் நடைபெற்றது. இந்த ஏவுகணை மூலம், குறிப்பிட்ட இலக்கை துல்லியமாக தாக்கி அழித்ததாக தெரிவிக்கப்பட்டுள்ளது. ராணுவ பீரங்கிகளை தாக்கி அழிக்கும் இந்த 3-ம் தலைமுறை ஏவுகணைகளை, ராணுவ வீரர் ஒருவரே எளிதாக  கையாளலாம் என்றும், இதனால் இந்திய ராணுவத்தின் பலம் மேலும் அதிகரிக்கும் என்றும் தெரிவிக்கப்பட்டுள்ளது. ஏவுகணை சோதனை தாக்குதல் வெற்றிக்கு, பாதுகாப்புத் துறை அமைச்சர் ராஜ்நாத் சிங் வாழ்த்து தெரிவித்துள்ளார்.