ஒடிசா : சாலையில் ஆறு போல ஓடிய லிட்டர் கணக்கான பால்

ஒடிசாவில் உள்ள பசுதேவ்பூர் பகுதியில், பால் உற்பத்தியாளர்கள் லிட்டர் கணக்கான பாலை சாலையில் ஊற்றி போராட்டத்தில் ஈடுபட்டனர். ஒடிசா கூட்டுறவு பால் உற்பத்தியாளர்கள் கூட்டமைப்பு, பாலில் கலப்படம் உள்ளதாக கூறி, விற்க வந்த பாலை உற்பத்தியாளர்களிடம் இருந்து வாங்க மறுத்துள்ளனர். இதனால் ஆத்திரமடைந்த பால் உற்பத்தியாளர்கள் தாங்கள் கொண்ட வந்த பாலை சாலையில் ஊற்றி போராட்டத்தில் ஈடுபட்டனர். இது தொடர்பாக ஒடிசா கூட்டுறவு பால் உற்பத்தியாளர்கள் கூட்டமைப்பு எந்த வித தகவலையும் தெரிவிக்காத நிலையில், சாலையில் ஆறு போல பால் ஓடியது, அப்பகுதியில் பரபரப்பை ஏற்படுத்தியது.